وقت الصار بدك ما بقى بدي

موعود فيها وصار ألي مدة ولما تلاقو يدها بيدي
ألتلا بدي شكلك بالورد

ألت أذا بتريد ما بدي...!

فرشتهلا من ريش نعام تخوت وبوردتها بهبة بنسم
اليل وجبتهلا حبة من الياقوت تلمع بيدها متل نجم
سهيل وقلتلا يا حاضري وغدي عفوك هدايا الحب لا تردي

غطت زنودها العاج بالديباج وألت أنا بالعكس ما بدي...!

وشربت السحر وتغيرت ودخلت غرفتها ورا الأحلام صرت
وصرت رش الغفا بعيونها لتنام ونامت وحلمت حالها حدي

صارت تطبع جمر على خدي وشو خفت يفلت من عيونها النوم
وتوعا لك وتوعا عند الصبح وتقول دخيلكن ما بدي ما بدي....!

ولما عرفت أنا مافي أمل يحلا بعنقودها فتشت على أحلا

ولما عرفت هيه منها العصفور طار

ومن عيونها الكحلا

منئهر نزلت دمعة الياريت

تكوي زرارها بعروة المريول

وصارت بعد ما تركتها وفليت تركض ورايي حافية وتقول!!!

دخلك شدني وغمرني بدي لك بدي أغفا وأعمل من زندك مخدة
األتلها أأأأأأأأأأأااااااااااااة
سبحان الله
لك سبحان الله كيف وأت الي صار بدك ما بقا بدي
!!!!!!!!!!!

جمييييييييييل كتير
لك يعطيك العافية على هيك كلام