امثال فلسطينية شعبية

المنايا ولا الدنايا

الف قلبه ولا غلبه

شو بال عكا من هدير البحر

حلاوة اللسان عز بلا رجال

قبل ما تفصل قيس

كلمة بت ولا عشرة لت

الزايد أخو الناقص

اللي ما بييجي معك تعال معه

اللي تغلب به العب به

احسب العاطلة قبل المليحة

امشي عدل توصل بدري

زلة القدم ولا زلة اللسان

العجلة من الشيطان

مد عينك قبل ما تمد رجلك

العدو عدو لو اطعميه حلاوة

افطر بعدوك قبل ما يتغدى فيك

عقلي في راسي بعرف خلاصي

المستعجل ما بيسوق جمال

لا تذم ولا تشكر الا بعد ستة أشهر

عمر العدو ما بصير حبيب ولا فرخ الحية بينحط في العب

التحضير في الراس مش في الكراس

قمحة والا شعيرة؟

البلح حلاوة بلا نار

رز الفقير برغل

الشعير للبعير

النوم تحت الخروب غير مرغوب

زي قرن الخروب

وجهك بيقطع الخميرة من اللقان

الطول طول النخلة والعقل عقل سخلة

اللي مالوش خميرة ... ما يخمرلوش عجين

الحكاية مش حكاية رمانة هادي قلوب مليانه

اللي بيتبعتر طحينه في الشوك يصعب عليه لمه

كول جميز واشرب ميه ... وايش ما جرالك عليه
..............................................................


السبعة مسبوعة

عمل السبعة وذمتها

خمسة في عين الشيطان

سبع صنايع والبخت ضايع

النبي وصى على سابع جار

عيلة السبعة ما الهاش شبعة

بده من الدواق سبعه واق

ابن الأربعين من الكاملين

يا ناصر الستة على الستين

الأربعينية يا شمس تحرق يا مطر تغرق

فتش بيتك سبع مرات قبل ما تخون جارك

بنت الأربعين ذات بنات وبنين

بعد الأربعين يا رب تعين
...................................................




[size=21]من عاشر القوم أربعين يوم صار منهم

احذر النساء قبل العشرين واتركهم بعد الأربعين

عيار الشبعان أربعين لقمة

المرأة بتحب يوم وبتكره أربعين يوم

الهنا لسنه والنفسه للأربعين

يخلق من الشبه أربعين

يوم الاثنين بيزيد مرتين

الأحد بيحد الشر

يوم الخميس فصل لحبيبك قميص

يوم الثلاثا يا حرق يا وراته

ان كان عليك الفين لا تغسل يوم الاثنين

الجمعه جامعه والدواعي فيها سامعة

أبو عين فارغة

الطمع فرق ما جمع

العب وحدك ترجع راضي

بياكلوا وبينكروا

يا روح ما بعدك روح

من حب نفسه كرهته جماعته

شربة من برة بتوفر الجره

عند البطون بتغيب الذهون

استكبرها ولو كانت عجره

كولها نية قبل ما غيرك يوكلها مستوية

عندك عيش وعندي عيش وفراغة العين ليش ؟؟

زي الجدي اليتيم بيرضع كل الغنمات وبيبات يطرق [b]

ههههههه كل هاي امثال على مهلك علينا بعدين يا بيسان مو كل شي بنقال

في ناس بتقول رزق الهبل ع المجانين

وهاد الكلام كفر متل يلي بقول بعطي الحلق للي ما الو ودان والي بقول بعطي الخبز للي ما الو سنان

هذا كلو بدل على ان العاطي غبي حاشى ان يكون الخالق كذالك

لان الله قال (( وما من دابة على الارض الى على الله رزقها ))

والاهبل رزقو على الله مش على المجنون وربنا مو غبي لحتى يعطي حلق للي ما عندو دان ولى بيعطي خبز للي ما عندو سنان

لو انتي بتشوفي واحد ما عندو سنان بتعطي خبز ؟؟ والي بقول هيك بكفر وعليه انو يتشهد فورا

بالنطق بالشهادتين بقول اشهد ان لا اله الى الله واشهد ان محمد رسول الله

ولكم جزيل الشكر

هههههههههههه
ميرسي المدير المحبوب كلك زوء هون مربط الفرس هي امثال مابتنقال والقارء لازم يفندها ويقارن بين الصح والخطء واجدادنا كان في عندهم اخطااء متل ما عنا هلا رغم العلم بنحكي وبنتصرف اسوء من هيك بكفي انو خلعنا ثوب العروبة والتقليد الأعمى يلي مو بحاجة لتفنيد لأنا بنعرف الصح وما شيين على الغلط بس الأجداد مو هيك كانو عاميين نوعا ما بس حلو الاستفادة ونصحح الأقوال ونعرف السبب ليش هنة كانو بيحكو هيك طبعا ازا بدنا نو ضح كل شي هيك ما قدمنا الا جزء بسيط من الافادة لازم القارء يكون لألو دور القاريء كتير مهم متل الكاتب الكاتب رح يراعي الاسلوب واللغة ومستوى او درجة القراء وعدم الغموض والاسهاب

مشكورة اخت بيسان على النقاش بس ما بصير تحطي كل شي


يعني لو بدك تحطي بتقولي وبقولو كذا لكن هذا خطأ ولى يقال هذا اذا كنتي حابه تحطي هيك امثال

بيسان الموضوع بادي للكفر وهالموضوع مو سهل متل ما بتفكري على كل حال مشكوره وهذا شي لقدام يعني انا بالنسبه الي عدلت على موضوعك من اول ما قراتو

تسلم ايدك ولى تحرمينا من مواضيعك

لك شوهيدا
أمثااااال واااايد حلووووووة


يسلموووونيشن